ZALEN September 22, 2023 : Excise & Narcotics Department leh 42 Assam Rifles te thawkdun chuan September 21, 2023 (Ningani) zan khan Champhai to Aizawl Road (Chhungte khaw dai)-ah heroin gram 107 & mg 780 (Hawng 8) leh a neitu nia puh – Lalsangliana (31) s/o Lallianzawna, ElectricVeng, Champhai-a khawsa nia inchhal chu an man.

Excise & Narcotics Department hian September 21, 2023 (Ningani) zan dar khan Khuangi Lungdawh (Hruaikawn Khaw dai), Champhai District-ah Methamphetamine (Crystal Meth) Kg 4.000 leh a neitu nia puh – Lalrinzauva (33) s/o Kapthanchuang (L), Bualte, Falam, Myanmar (tuna Zokhawthar-a Bethel Refugee Camp-a khawsa mek) nia inchhal chu an man. He Crystal Meth manchhuahnaah hian Excise & Narcotics Department te hi Anti-Drugs Squad, Champhai Sub-Headquarters YMA-in an tawiawm a ni. Heng Crystal Meth te hi Myanmar atanga lak, Mizoram state pawna hralh tum mek lai a ni.

Heroin leh Methamphetamine vanga mante hi The Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni.