Manchester City player Keira Walsh chuan world-record fee-in Barcelona a zawm fel. An inleina zat tak hi sawi ni chiahlo mah se hmeichhe player manto ber ni ngei a hriat a ni. 

Hmeichhe world record siam mektu Pernille Harder-i chu, September 2020 khan Wolfsburg atanga Chelsea-in pound nuai 3-a an lei chhuah kha a ni. 

A contract tawpna tur kum hmang mek Walsh-i man a tana Barca-in thil chi hrang hrang an offer chu Man City hian hnar phal lovin an pawm ta a ni. Man City hian Walsh-i thlakna tur hi WSL transfer deadline thlen hma ngeia tihfel an mamawh ve thung ang.

Walsh hi England-in Euro 2022 an lak theihna tura player pawimawh ber pawl a ni a, Wembley-a Germany nena final an khelh tuma Lionesses-in hnehna an chan tum khan 'player of the match' ah thlan a ni nghe nghe. 

2014-a City a zawm hnu khan kum 25 mi hian game 189 khel tawhin goal riat a khung tawh. England tan match 49 a inlan tawh bawk. City hian tun season hian an player tha an hloh nual tawh a, chung zingah chuan Caroline Weir chuan Real Madrid a zawm a, Georgia Stanway-i'n Bayern Munich a zawm tawh bakah Barcelona lamah Lucy Bronze a lut tawh bawk.