2022-2023 Premier League season chu tun zirtawpni hian tan a ni tawh mai dawn a, season liam taka club huhang ngah ber pahnih Liverpool leh Man City te dinhmun leh player lut chhuak kan bihchiang lawk ang.

LIVERPOOL

Lut : Darwin Nunez (Benfica, £85m); Calvin Ramsay (Aberdeen, £6.5m); Fabio Carvalho (Fulham, £7.7m)

Chhuak : Sadio Mane (Bayern Munich, £35m); Neco Williams (Nottingham Forest, £16m); Takumi Minamino (Monaco, £15.5m); Ben Davies (Rangers, £4m); Rhys Williams (Blackpool, loan); Owen Beck (Famalicao, loan); Divock Origi (AC Milan, free); Loris Karius (released); Sheyi Ojo (Cardiff City, free); Ben Woodburn (Preston North End, free); Elijah Dixon-Bonner (released); Luis Longstaff (released); Sean Wilson (released); Conor Bradley (Bolton Wanderers, loan); Adam Lewis (Newport County, loan); Billy Koumetio (Austria Wien, loan); Vitezslav Jaros (Stockport County, loan); Marcelo Pitaluga (Macclesfield, loan); Anderson Arroyo (Alaves, loan); Tom Clayton (Swindon Town, undisclosed)

Nipui transfer an hmang tha em?
Season liam ta khan season tawp hma kar thlengin Quadruple an beisei a, mahse Jurgen Klopp leh a nau ten beisei an phak lo. 

Liverpool chakna hnar forward pathum Mane-Salah-Firmino te ropui taka an khel kan hmu a, mahse Bayern Munich lamah Mane a kal vangin kan hmu tlang thei tawh dawn lo va, chutihrualin Mane-a aiawh turin Darwin Nunez an lalut a, a ni hian a rawn Mane-a ai awh zo tak maw?

Tun season-ah player langsar Darwin Nunez chiah an lak belh a, an manager mawhphurhna a sang hle dawn a, a bikin forward lamah season liam ta nen a danglam dawn a, Klopp hian nikum lam a phak dawn em? City hnehin Community Shield an chawi tawh a, trophy dang an chawi belh thei a ngem?

MANCHESTER CITY

Lut: Erling Haaland (Borussia Dortmund, £51m); Kalvin Phillips (Leeds United, £50m); Stefan Ortega (Arminia Bielefeld, free)

Chhuak: Raheem Sterling (Chelsea, £47.5m); Gabriel Jesus (Arsenal, £45m); Oleksandr Zinchenko (Arsenal, £32m); Gavin Bazunu (Southampton, £15m); Romeo Lavia (Southampton, £12m); Pedro Porro (Sporting Lisbon, £7.2m); Darko Gyabi (Leeds United, £5m); Ko Itakura (Borussia Monchengladbach, £4.3m); Fernandinho (Atletico Paranaense, free); Lewis Fiorini (Blackpool, loan); Jayden Braaf (Borussia Dortmund, free), James Trafford (Bolton Wanderers, loan); CJ Egan-Riley (Burnley, free); Taylor Harwood-Bellis (Burnley, free); Tommy Doyle (Sheffield United, loan); Callum Doyle (Coventry City, loan); Zack Steffen (Middlesbrough, loan); Arijanet Muric (Burnley, undisclosed); Cieran Slicker (Rochdale, loan)

Nipui transfer an hmang tha em?
Premier League lama player nei tha ber a sawi an ni a, Raheem Sterling leh Gabriel Jesus te hralh mah se player tha tak tak an lei belh vangin team tha tak an la ni dawn tih a chiang. An buaina ber thin Centre forward lamah khawvel-a tha ber pakhat Erling Haaland an la lut a, a ni hian thil tam tak a thlen tir theih beisei a ni. 

Manager Pep Guardiola'n a mamawh em em pakhat deep-lying midfielder tha em em mai, England international Kalvin Phillips an lalut a, Ortega an la lut bawk. City hian tun tumah hian pre-season friendly-ah club pahnih chiah an hmachhawn a, United States lama pre-season tour an neihah Club America leh Bayern Munich te an hneh ve ve a ni. Mahse, Guardiola hian kar hmasa khan Community Shield-ah Liverpool a hneh zo lo thung. 

Guardiola hian hlawhtlinna khum nual tawh mahse an duh ber Champions League trophy erawh a la chawi thei rih lo va, tun season hian chawi ngei a tunin a rinawm. Thei tak maw?