Erling Braut Haaland (né Håland [ˈhôːlɑn] hi Norwegian professional footballer niin Bundesliga club Borussia Dortmund leh Norway national team tan striker a ni. Premier League club Manchester City chu July 1, 2022 hian a zawm ang.

Haaland Nottingham Forest, Leeds United leh Manchester City defender hlui Norwegian Alfie Haaland fapa a ni a, February 2017-a Norwegian newspaper Aftenposten interview an neih tumin Haaland hian "A duhthusam ber chu Leeds United tana Premier League chawi" anih thu a sawi. Haaland hian Cristiano Ronaldo, Michu, Jamie Vardy leh Robin van Persie te chu amah fuihphurtu an nih thu a sawi a, Virgil van Dijk leh Sergio Ramos te chu defender khauh a tih pahnih te an ni. 

Haaland hian an khaw club Bryne atangin senior team tan a khel tan a, 2017 khan Molde-ah a insawn a, hetah hian reserve team tan a khel. 2019 khan Austrian Bundesliga club Red Bull Salzburg a zawm a, league title pahnih bakah Austrian Cup a chawipui bawk. 2019 thlasik transfer-ah German Bundesliga team a zawm a, DFB-Pokal chu 2020-21 khan a lakpui.

2019-20 season Salzburg-a a hman chhung khan Champions League match 5-ah a zawnin goal nga a thun a, rawlthar zinga hetiang ti thei hmasaber a ni. A season lehah Champions League top scorer a ni zui bawk. 2020 khan Golden Boy award a dawng a, 2021 khan Bundesliga Player of the Season niin FIFA FIFPro World 11-ah telh a ni bawk.

July 21, 2000 khan Haaland hi Leeds, England-ah a piang a, hetihlai hian a pa Alfie Haaland chuan Premier League-ah Leeds United tana a khelh lai a ni. 2004, khan kum thum mi anih laiin Norway-a a nu leh pa chawrchhuahna Bryne-ah an kir. 

April 2001 khan Erling Haaland pa Alfie Haaland hian Pound maktaduai 2.5 in Manchester City-a zawm a,  April 2001-ah Manchester United nena an inkhelh tumin Roy Keane chuan na takin a khup-ah a hliam a, Keane hi he inkhelah hian hnawhchhuah a nih bakah £5,000 chawi tir a ni a, match thum atan hrem a ni bawk. Hemi tuma a hliam hi Erling Haaland-a pa in football a chawlhsan chhan a puh a ni. Roy Keane hian a chanchin a ziahnaah kha thil kha phuba a lakna ang deuin a ziak a, £150,000 chawi tir leh niin match nga hrem a nih leh phah bawk.