ZALEN June 26, 2025 : Mizoram Excise & Narcotics Department chuan International Day against Drugs Abuse & Illicit Trafficking chu ni June 26, 2025 khan India ram leh khawvel ram hrang hranga hman a nih angin, an hmang a, ruihhlo Cheng 20,24,77,472.33 man an halral

Aizawl –ah chuan ruihhlo an man, Court-in dan anga tih ral a phalsak chinte chu Muallungthu-a F. Rinchungnunga farm-ah an halral a. Lunglei West bialtu T. Lalhlimpuia, MLA, chuan Khuallian niin he hun hi a hmanpui a. He Ruihhlo halral programme hi Commissioner of Excise & Narcotics Z. Lalhmangaiha chuan a kaihruai a. Report kimchang leh Ruihhlo halral zat te Deputy Commissioner of Excise & Narcotics (Enf.) Ngurthanzama Sailo in report a pe a. 

Khuallian T. Lalhlimpuia, MLA chuan ruihhlo dona thuchah a sawi a. R. Laldinsanga, Joint Commissioner of Excise & Narcotics (Admn.) chuan lawmthu sawina hun a hmang bawk. Hemi hnu hian Ruihhlo man sa, court –in tih ral a phalsak tawhte chu Khuallian hian mei dep kai hmasa in halral a ni. He Ruihhlo Hmansual leh Tawlhruk Dona Ni hi NCB official te pawhin an telpui bawk a ni.

International Day against Drugs Abuse & Illicit Trafficking denchhena Aizawl-a ruihhlo halral zat chu hetiang hi a ni e:

District hrang hranga case, tihchhiat tura lakkhawm zat chu hetiang hi a ni:-

1). ANS – 104 cases,

2). Lunglei – 58 cases,

3). Siaha – 16 cases,

4). Champhai – 13 cases,

5). Kolasib – 2 cases,

6). Lawngtlai – 9 cases,

7). Mamit – 23 cases.

    Total – 225 cases.

Hemi ni denchhen hian District hrang hrangah Asst. Commissioner of Excise & Narcotics kaihhruainain Ruihlo Hmansual leh Tawlhruk Dona Ni hi urhsun takin hman a ni a. Sikul, NGO leh hmun remchang dangahte drugs awareness campaign te neiin, hun tha takin an hmang a ni.