Aizawl June 26, 2024 : Vawiin June ni 26, 2024 hi khawvel puma ruihhlo do na ni – The International Day Against Drug Abuse & Illicit Trafficking denchhenin Excise & Narcotics Department chuan ruihhlo thahnem tak an halral.

June ni 26, 2024 (Nilaini) chawhnu dar 2:00 khan Bethani Multipurpose Farm, Phunchawng-ah Court-a chinfel tawh ruihhlo chi hrang hrang chu Lalramsanga Sailo, IRS, Secretary to the Govt. of Mizoram, Excise & Narcotics Department chuan a halral.

He ruihhlo halralna inkhawm hi Peter Zohmingthanga, Joint Commissioner & Chairman, Drug Disposal Committee chuan a kaihruai a. H. Lalchhuanawma, Secretary, Drugs Disposal Committee-in report pein Z. Lalhmangaiha, Commissioner of Excise & Narcotics chuan kalkhawmte hnenah lawmthu a sawi a ni.

Ruihhlo hal ral hi Cheng Vaibelchhe Sawmthum Pakua, Nuai Sawmriat paruk, Sing Thum Sang riat, Za ruk leh sawmriat pakua man a ni.