August 23, 2023; Excise & Narcotics Department (END) chuan nimin leh vawiin ah Zu thahnem tak leh ruihhlo leh a kawltu mi engemawzah man an nei.

END te hian nimin khan Rakzu litre 1,637.30, Zu siamna bungbel 35, Sapzu um puitling 340, beer litre 36 (can 72) man an nei.

Ruihhlo man zingah hian August ni 22, 2023 chawhnu dar 1:15 khan Nazareth Veng, Champhai Vengthlang-ah heroin gram 49.460 (Hawng 4) leh a neitu nia puh Vanlalhnemi (27) d/o C. Lampianga, Chhawkhlei Veng, Champhai Bethel Veng-a khawsa nia inchhal chu an man.

Nimin vek chhun dar 12:30 khan Chanmari West-ah heroin gram 37 (Hawng 3) leh a neitu nia puh mi pahnih – K. Vanlalmuana (50) s/o K. Liandanga (L), Chhanmari West, CH- Section leh Rosangliana (41) s/o Rokunga, Khawruhlian-a khawsa nia inchhalte chu an man bawk.

Tukin dar 1:50 khan Aizawl Hospital bulah heroin gram 11 (Hawng 1) leh a neitu nia puh – Lalremruati (32) d/o John Sailo, Mission Veng, Aizawl-a khawsa nia inchhal chu an man a.

Tukin dar 7:50 khan Ganja 17 Kgs & 980 grams leh a neitu nia puh – Abinash Sukhomoy Tripura (27) s/o Sukhomoy Tripura, Salgana, Cachar District, Assam chu an man. Heng Ganja te hi State dang atanga rawn lak, Aizawl-a hralh tum mek lai an ni. Ganja phurhna atana hman, Car Regn No. MZ01X-6737 pawh hren sak a ni.