August 21, 2023; Tuikual Presbyterian Kohhran chuan an kohhran mi fa nei thar te hnenah lawmpuina pawisa fai an hlan zel dawn.

He an ruahmanna hi Synod in fa nei tam tura inzirtirna a kalpui mek tihhlawhtlinna tur a ni a, Tuikual Kohhran mi nau nei (Fa hring) thar te hnenah, lawmpuina pawisa hetiang hian pek tur a ni :-

1) Kan Kohhran Chhungkuaa Naupiang (fa pakhatna/ fatir) lawmpui nan, Rs. 3,000/- pek tur.

2) Fa pahnihnaah Rs.3,000/-

3) Fa pathumnaah Rs. 3,000/-

4) Fa Palinaah Rs. 5,000/-

5) Fa pangana leh a chung lamah Rs. 10,000/- zel pek tur a ni ang.

Naupiang thar lawmpuina thilpek hi Sunday School hunah nau hlan ruala pek thin tura ruahman a ni.

September 2023 a piang te atanga hman tan tur a ni.

An Kohhran chhunga naupiang lawmpuina pek tur chin chu heting hian a ni.

1) An Kohhran mi leh Testimonial Certificate nei a, an Kohhrana awm te.

2) Fa hrin zat chhutna tur chu Nu nau hringtu atangin a ni ang.