August 16, 2023; Sertlangpui khua, Lunglei district a khawsa mek Pi Kawlziki (74) w/o Pu K Rosangtuala (L) chu Mizoram a fa hring hnem ner nia hriat a ni.

Kum 1949, August thla a piang a, kum 74 na hmang mek, Pi Kawlziki hian Pathian atanga fanau malsawmna a dawn/hrin chhuah zawng chu 19 niin, thla 3 mi pakhat a chhiat nen chuan fa 20 a hring a ni.

Mipa 15 leh hmeichhia 5 fa a hring a, tun dinhmunah mipa 11 leh hmeichhia 4 an la dam. Nu hmun leh pa hmun hrinah chuan unau piang hmun tam ber nia hriat an ni.

Pi Kawlziki hi a pasal K. Rosangtuala chuan kum 2007 khan a lo boral san tawh a, BP sang leh Zunthlum a nei tih loh chu a hriselna a la tha thawkhat a, inchhung chet vel pawh a tul dan angin a la khawih thei.

Hetiang a fa ngah, Mizo nu ropui hi Mizoramah midang an tamin a rinawm loh a, mumal taka chhinchhiah awm chiah lo mah se, Mizoram a fa hring tam ber nia hriat niin, chu chu a fate pawhin a an pawm leh rin dan a ni.