Fai endikna hna zo hnai

Admin - Dec 12, 2021

Aizawl khawpui, district khawpui 10 leh urban town 17 te endik an ni

Aizawl : Mizoram khawpui fai endiktu zinga urban town khaw 17 endiktute chuan khaw hrang hrang an fang chhunzawm mek.

   Urban town endiktute hian Sairang atanga bul tanin Lengpui, West Phaileng, Kawthah, Zawlnuam, Bairabi, Vairengte, Kawnpui, Thenzawl, Tlabung, N.Vanlaiphai, Biate, Farkawn, Khawhai leh Ngopa te an endik tawh a. Phullen leh Darlawn te an endik leh ang.

    Hetih lai hian Aizawl khawpui veng hrang hrang fai leh fai loh endiktute leh district khawpui fai endiktute pawhin tunlai hian ngawrh takin endik hna an thawk mek bawk.

    Khawpui fai inelna hi chi thuma kalpui a niin Aizawl khawpui, district khawpui 10 leh urban town 17 te endik an ni a, result hi nakum Republic day, January 26, 2022-ah puan a ni ang.

Share now