Aizawl : October 23, 2021 tlai khan DC Conference Hall ah Fairelbel kaltlanga sum hmuh te a thawhhnihna chu semchhuah a ni a, Fairelbel kaltlang mi thahnemngaite thawhlawm sumfai tlingkhawm semchhuah leh hi Rs. 8,37,635 a ni. 

Heng tanpuina te hi YMA Branch 16 leh Organizing Committee Member atanga tanpui ngai te hming dawn khawm atangin chhungkaw 32 te hnenah Rs 10,000 hlan tur a ni a, chhungkaw 16 hnenah Rs 5,000 theuh pek an ni. Social Welfare Dept kaltlanga tanpui ngai list dawn chhungkaw thum hnenah Rs 10,000 theuh pek an ni bawk a,  ZMC Poor Fund ah Rs 2,00,000 chhun luh niin, ZMC-a COVID19 vanga boral medical bill pe theilo te ba, Rs 2,37,635 rulhsak a ni bawk.

Fairelbel Charity Program kaltlanga sum hmuh te hi a thawh khatnaah Rs. 12,05,000 semchhuah tawh niin a thawh hnihna atan Rs. 8,37,635 semchhuah leh a ni.

Semchhuahna hun hi R.Vanrengpuia, Addl DC chuan a kaihruai a, Fairelbel Utilization Committee member te, Branch YMA 17 aiawh te, ZMC leh Social Welfare Dept aiawh te an tel a ni.