ZALEN Oct. 30, 2024; Health minister Lalrinpuii hmingin fake account siam an awm a, pawisa an dil kual thin ni a hriat a ni.

Hemi chungchang hi Health minister hian a social media page-ah tarlangin, "Hetiang hian ka hmingin fake account siamin, pawisa an dil kual tih ka lo hria a, a pawi ka ti hle mai. Hetianga pawisa dil hi keimah ka ni lo a, tumah pawisa pe lo turin ka ngen a che u," tiin a tarlang.

Hetiang ang case chungchangah hian cyber crime lam chuan thuchhuah an lo nei tawh thin a, mipuite fimkhur tur leh finfiah hmasa zel turin an lo ngen tawh a, hetiang ang tawkte chuan cyber crime lam hriattir turin an lo ngen tawh bawk.