American-Canadian actor Dwayne 'The Rock' Johnson chu Fast & Furious franchise-ah a inlan zui dawn tih a chiang ta. 

Kum 51 mi The Rock chuan hemi chungchang hi social media kaltlangin a puang a, 100% in a chiang tih a sawi. Fast & Furious tharah hian The Rock hi Luke Hobbs lemah a chang dawn a, fan lam pawh an phur tawh hle. Social media lama a inlan zui tur thu a puan rual hian fan te chungah lawmthu a sawi bawk a ni. 

WWE star hlui hi Hollywood-ah a hlawhtling rem rem hle a, kum khat chhunga sum lalut hnem ber dinhmun hial pawh a lo luah tawh. Fast & Furious franchise bakah hian film thahnem takah a inlan tawh a, a channa a piang hit zel emaw tih mai tur khawpuin a hlawhtling. 

Fast & Furious thar turah hian The Rock bakah Jason Momoa pawh a chang leh dawn a, Dante role a play dawn a ni. WWE-a The Rock vs Stone Cold Steve Austin ang deuh khan, Dante vs Hobbs kan hmu dawn tihna a nih chu. 

'Black Adam' star hian kum 2011 khan a vawi khat nan Fast Five-ah Hobbs role a play tan a, hming a chher chho ta mawlh mawlh a ni ber. Kum 2021 khan CNN hnenah Fast & Furious franchise-ah a inlan tawh loh tur thu a lo sawi tawh a, mahse Vin Diesel chuan kir leh tur hian a thlem thlu leh ta niin an tarlang.