Feature : Chapchar Kût
Mizote hian kût chi hrang hrang kan nei a, chung kan kut zingah chuan Chapchar Kût hi ngaihhlut ber a ni a. Tunhma lama kan pi leh puten kut an lo neih ve thin Mim Kût leh Pawl Kût te chuan hriat zui leh lawm a hlawh ta lo hle. Kum tin Chapchar Kût hi kan uar chho deuh deuh a, a lawmna pawh a pui thei ang bera hman kan duh avangin kût thenkhatte chu bânin Chapchar Kût lamah kan insawrbing chho ta zel mai.
Kuminah pawh kut pual hian flower show, painting exhibition, food court leh thil dang kût kaihhnawih eng emaw zat kan siam a, heng te hian hlut a hlawh hle mai. Chapchar Kût kan hman vanga kan harhtharna nasa ber chu ‘Mizo hnam incheina’ ah hian a ni awm e. Chapchar Kût hmannaa kal tur chuan kan hnam incheina eng emaw tal inbel kan duh vek a, hei hian Mizo hnam incheina (traditional dress) nasa takin a chawi nun phah bawk. Zalen zawhna chhangin ‘Zo dawr’ nghaktute chuan kut pual hian Mizo thuam an hralh hnem thin niin an sawi a, a bikin Thangchhuah kawr, Kawrchei leh Diar te an hralh hnem zual niin an sawi a. Hnam Chhantu President Ramhmangaiha pawhin zo thuam an hralh tam hle niin a sawi bawk.
Chapchar Kût lawmna pui ber Aizawl Lammual-ah chuan mipui tel an thahnem hle a, Police, Excise leh YMA te hmalakna avangin kumdanga rui eng emaw zat awm thin chu kuminah chuan ruibuai leh insual hmuh tur an awm lo a. Chanvo changtu reng rengin hun an hmang thiam tlangpui bawk a, mipui tana ninawm khawpa hun hmang an awm lo nia a lan avangin nasa takin hma kan sawn niin a ngaih theih awm e.
Hetih lai hian Lammual hian mipui punkhawmna tak tak chu a dawl zo tawh lo niin a lang a, Kût a ni emaw, thil dang pawh, mipui punkhawmna tur ngaihtuah a hun ta hle nia a hriat thu kut hmangtu pakhat chuan a sawi a. “Chapchar Kût avang hian lirthei tlandan tih danglam a ngaih phah thin bakah nasa takin traffic jam a siam a, engemaw damlohna leh rikruk thil pawh awmse chet ngaihna a awm lo a. Chuvangin, Aizawl khawpui daifem khawi emaw laiah hian kut leh thildang mipui punkhawmna tur hi ngaihtuah ni thei se a tha khawpin ka hria,” tiin Zalen palai a hrilh.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024