DOWNLOAD OUR APP

Read latest news on your phone
app-store

FEATURE : Mas puala veng chei

Nov 23, 2022

Kum eng emaw zat kalta atang khan kum tinin Krismas pualin veng leh kawn remchang laite cheimawi thin a ni a. Heng veng cheimawite hnenah hian lawmmante hlan thin niin UD&PA department te, Tourism department ten lawmman an siam thin a. Kuminah hian Aizawl Municipal Corporation chuan Aizawl khawpui veng cheimawi 20 hnenah Rs. 50,000 theuh pek an tum bawk.

Kum eng emaw zat kalta atang khan kum tinin Krismas pualin veng leh kawn remchang laite cheimawi thin a ni a. Heng veng cheimawite hnenah hian lawmmante hlan thin niin UD&PA department te, Tourism department ten lawmman an siam thin a. Kuminah hian Aizawl Municipal Corporation chuan Aizawl khawpui veng cheimawi 20 hnenah Rs. 50,000 theuh pek an tum bawk.

Covid hripui vanga kum hnih ngawt khawsak phung a buai hnu leh veng/kawn chei pawh tih hleihtheih a nih loh hnuah kuminah erawh chuan veng eng emaw zat chuan chei leh an tum a. Mahse, sum harsatna avangin kum danga an chei ang erawh chuan an chei thei dawn lo nia thudawn a ni.

Kum 2019-a veng cheimawi ber lawmman dawngtu, Chaltlang Branch YMA pawhin kuminah chei tum leh mah se kum dang ang chuan tih nasat an tum lo tih an hruaituten an sawi a. “Kumin hian field bul vel hi chei leh tumin kan inruahman mek a, a bak kum danga kan chei thin ang kha chu zo lo deuhah kan inngai a ni,” tiin branch YMA hruaitu pakhat chuan Zalen a hrilh.

Kum 2019-a lawmman pahnihna dawngtu, Ramhlun South pawhin kuminah chuan an veng chei an tum lem lo niin a sawi bawk.

Veng chei thin pakhat chuan veng/kawn chei chu a hautak hle niin ZALEN a hrilh a. “Sum leh pai senso hi a sang em em mai a. Sum hi lo nei ta tehreng pawh ni ila mihring tha hi a ngai tam bawk nen, kuminah chuan tlin loah kan inngai a ni,” a ti.

Nu pakhat chuan veng hrang hrangten Krismas pual hian an veng chei leh thei se a duh thu sawiin, “Veng chei hi Krismas ti-Mas-tu ber pakhat niin ka hria a. Naupangten nuam an tiin len vel a nuam a. Naupang mai ni lovin puitlingte hlei hlei hian nuam kan ti zawk niin ka hria a, hripui vanga kan vengte an thing thuap mai kha chu hrehawm ka ti khawp mai,” a ti ve bawk. 

Tun dinhmunah chuan sum harsatna avangin veng chei hi an tam dawn lo niin a lang. 

Share now