Aizawl khawpui chhunga restaurant engemaw zat hi mahni inchhung atangin a dawr theih ta nual mai, heng restaurant a duh zawng te hi i kawtkaiah an rawn hlan mai thei reng tawh che a, sum sen pawh a tam hran lo.
Khawpui lianah Pizza siam hovin home delivery an ti thei nawk a, Aizawlah pawh restaurant thenkhat, mahni thil siam mi kawtkaia va pe thei an awm. MizDen erawh chuan restaurant hrang hranga i duh zawng i order-te chu i kawngkhar bul ngeiah an rawn dahsak thei reng tawh che a, an website kaltlangin order hi i siam mai thei a, an apps pawh i hmang thei a, instagram, facebook leh email mai bakah telephone hmang pawhin order i siam thei reng tawh.
Thianho inhmu khawm khât tak an inhmu khawm thut thei a, tulna avanga han kalkhawm châng a awm thei bawk. Thil siam mai tur a awm lo thei a, siam tur mai pawh a awm loh theih. Mahse, buaina tur a awm tawh lo. I smart phone kha i thil ei tur koh nan a tawk. www.mizden.com-ah han lut tawp mai la, chumi atang chuan thil a lo lang nghal kuarh ang.
Anni hian he website-ah hian an restaurant dawr te neih leh a man te an tarlang vek a, chumi atanga chuan i duh i thlang mai thei dawn a ni. Anni hian heng restaurant-ah hian i duh zawng te chu an order sak che ang a, i kawtkaiah an rawn dah mai dawn a ni. Website, apps, instagram, facebook leh email te hi a muang deuha i ngai anih pawhin phone call hmangin engkim an tih sak thei tho che.
MizDen hian heng restaurant-te thil siam kan chenna In-a an rawn dah theih mai a.
Frozen food te, Sea food te leh Artui te pawh home-delivery an ti thei a, nitin mamawh hrang hrang sahbawn leh rimtui lam te, food supplement thlengin kawtkai-ah an rawn dah thlap thlap te. Mizopa kuchhuak khawl Leichi ho siam ang chi te pawh hi phone hmangin anni kaltlang hian a lei theih thlap. Anni hian catering lam pawh an buaipui thei a, veg leh non-veg pawh an pe thei thlap a, hei pawh hi an apps leh website bakah phoen hmangin a order theih vek. Order an pek man pawh hi a to lem lo a, restaurant pakhat atanga lak a nih chuan eng anga tam pawh ni se, cheng 50 bak an la ngai lo a, mahse, restaurant hrang hranga atanga lak erawh chuan a thlen man erawh a dang ve hret thung.