Football-a thuneitu sang ber FIFA chuan Brazilian model Adriana Lima chu ambassador atan an ruat. Kum 41 mi hi kumin July 20 atanga khelh tur hmeichhe World Cup tilartu atan FIFA lam hian an ruat a, mahse sawiseltu an thahnem hle. 

Women World Cup hi Australia leh New Zealand ten an thleng dawn a, he tournament tih lar nan hian Adriana hi ambassador atan ruat a ni. Sawiselna tam tak karah FIFA president Gianni Infantino chuan Lima hi a chhan ve tlat thung. Adriana hi infiam mi a ni lo a, football phei chu a khel ngai lo hrim hrim - hei hi sawisel a tawhna chhan lian ber pakhat chu a ni.  

Super model Adriana Lima hi Victoria Secret Angel a ni a, a lar thin hle. Kum 2009 khan Serbian professional basketball player Marko Jarić nen inneiin fa pawh pathum an nei a, mahse 2016 khan an inthen a ni. Fa pathum a hrin chhuah hnu meuh chuan a nulat laia pian nalh tak ni thin kha tunah chuan a thau tawh viau mai bawk.