Aizawl: Mizoram Youth Commission chuan zirchianna leh finfiahna awm lovin hnathawk kawhhmuhtu (placement agency) hnenah nuai 77.53 a pe chhuak a, heng sumte hi a hmanna (invoice) awm hmain pawisa fai a pek a ni.
Tunhnaia CAG report pharh taka tarlan danin Ministry of Development of North East Region (DoNER) chuan January 2016 khan thalai 400 te training-na turin Mizoram Youth Commission (MYC) hnenah vbc 2.51 a pe a. MYC chuan February-May, 2016 chhunga training programme chi hrang hrang Hospitality, Aviation, Retail, Tourism leh Information Technolgy ah te training turin Placement Agencies 16 a thlang a. Hei mai bakah MYC chuan cheng nuai 77.53 chu a sum faiin a pe a, an sum inpek dan hi a rinhlelhawm hle niin a tarlang.
CAG report chuan MYC in PA atana thlan zinga 7 te chu Ministry website a tarlan zingah pawh an tel ve lo niin a tarlang bawk.