January 23, 2024; Lengpui Airport ah Myanmar thlawhna a chetsual vangin flight a khaihlak phah dawn lo nia thudawn a ni. 

ZALEN thudawn danin, vawiin chawhma dar 10:30 rik hma deuh a Myanmar thlawhna Lengpui Airport a chetsual avangin thlawhna service buai phah deuh mah se, naktuk atangin a pangngai angin flight a operate leh nghal theih dawn a ni.

Thlawhna chetsual vang hian vawiin Lengpui Airport flight zawng zawng (5) cancel vek a ni.

Tarlan tawh angin, vawiin (23.1. 24) chawhma dar 10:30 rik hma deuh khan Myanmar thlawhna Lengpui Airport-ah a chesual a, nunna chan an awm lo.

Myanmar thlawhna hi Lawngtlai District-a tlanchhia Myanmar Sipaite rawn phur tura rawn kal a ni.

Lengpui Airport a rawn tum hnuah terminal thlen hma airport runway sirah a tlanliam a, mi pahnihin hliam an tuar a, a chuang dangte mi 12 chuan hliam na lutuk an nei lo nia thudawn a ni.