August thla tir lam khan third party inrawlh an awm vangin tiamchin awm lovin All India Football Federation (AIFF) chu FIFA-in a hrem a, mahse FIFA-in AIFF a hremna chhan ber chu tih tawp a ni tak avangin Bureau of FIFA Council chuan AIFF an hremna chu a hlip ta a ni. 

Kumin October ni 11 khian FIFA Women’s U-17 World Cup chu India-in a dawng dawn a, India rama football thuneitu sang ber AIFF hrem a nih vang hian, ruahman lawk anga kal theih a nih loh rin a nih laiin AIFF hremna hlih a nih tak vangin U17 hmeichhe World Cup pawh a hun pangaiah neih theih a ni dawn a ni. 

AIFF hrem a nih chhan bul ber chu, AIFF chhung buaina chingfel turin India rama rorelna sang ber Supreme Court-in AIFF Executive Committee thuneihna an tih tawp sak a, member pathum awmna Committee of Administrators a din a, mahse an thutlukna chu football thuneitu sang ber FIFA lamin an pawm thei lo thung. FIFA-in legal leh politic lama inhnamhnawih member neih an remtih loh vangin tiamchin awm lovin AIFF chu an hrem ta a ni. 

Mahse, member pathum enkawl Committee of Adminstrators chu thiah niin FIFA lam pawhin an hremna an hlip a, dan pangaiin Indian football pawh a kal leh thei ta a, amaherawhchu, AIFF hi an in thlan that a ngai thung dawn a ni.