Aizawl August 18, 2024 : Tlawmngai pawl Foundation For Drug-Free Mizoram chuan Pathianni hian ni khat thil thu ah hmun 3 ah ruihhlo that loh zia inzirtirna an buatsaih a, tleirawl mi 400 te ruihhlo laka fihlim turin an intiam. Inawkhlum an vei.

Kulikawn Presbyterian Kohhran Youth For Christ, Baptist Church of Mizoram Bethlehem Vengthlang leh State Training Centre, Tanhril-a inkulh mek Air Wing Cadets te tana buatsaih Combined Annual Training Camp 65 ah te hun hman a ni a. Resource Person - Moses Lalremruata, Prof. H.K Laldinpuii Fente leh Johny Lalthafamkima ten zirtirna an pe. 

Foundation For Drug-Free Mizoram chuan tunlaia tleirawl zinga inawkhlum an tam lutuk chu an vei hle tih sawiin; rilru hriselna chu chhungkua a bul tan turin Mizoram chhungkua te an sawm.