January 29, 2024; Bethel Ministry speaker Frederick Lalrindika chuan Melbourne (Australia) ah rawngbawlna a chhunzawm chho mek.

Australia ram chu darkar a hnathawk thin an nih avang leh sap ho kan tih mai te an thalaite zingah Pathian lam ngaihsak lo an tam tawh tih social media a a official page ah tarlangin, chutiang boruak a crusade lo neih chu thil huphurh awm tak pawh a ni tih a tarlang.

"Min tawngtaipuina a zarah Pathian hnathawh kan hmu nasa hle a, mi thenkhat sawi dan chuan tun ang a tam hi Isua avanga punkhawm hi a awm tam lo ngawt ang te an ti hial a, Melbourne a cheng mai pawh nilo, Australia state thenkhat atang te pawh in an lo kal a, sap ho kan tih te nen hnam chi hrang hrang kan kal khawm ve nasa hle a ni," tiin a tarlang bawk.

"Taksa a bawl chhuak vek tawh doctor in tihngaihna a hriat tawhloh a bawl zawng zawng rawn hil vek te, Kal thei lo rawn kal thei ta nghal mai te leh che thei lo Isua avanga rawn che thei ta te leh Pathian hnathawh tamtak kan hmu mek," a ti bawk.

Tunkar (28th January - 4th February) chhungin crusade an nei leh dawn a, lo tawngtaipui zel turin mitin te a sawm.