Cabinet Committee on Economic Affairs (CCEA) chuan Pradhan Mantri Ujjwala Yojana hamthatna dawngtute hnena kum khata man tlawma LPG bur lak theih zat tipungin bur 12 ni tawh turin a pawm.

March 1 thleng khan PMUJ hi mi vaibelchhe 9.59 zetin an chhawr tangkai a. Zirtawpnia cabinet thutkhawm zawha thuthlar lakhawmtute a kawmnaah Information & Broadcasting Minister Anurag Singh Thakur chuan bur khat zela a latute bank account-a Rs. 200 lut thin chu kum khatah bur riat a ni a, tunah chuan bur 12 ni tawh turin thutlukna an siam tih a sawi.

Thakur chuan kum 2022-23 chhung khan he scheme atan hian Rs. Vaibelchhe 6,000.10 hman niin 2023-24 chhungin Rs. Vaibelchhe 7,000.68 hman a ni dawn tih a sawi.

PMUY hi May, 2016 atanga kalpui tan kha niin chhungkuaa hmeichhe rethei zawkten man tlawma LPG an hman theihna tura tih a ni a. A chhawrtu hi kum tin an pung zel a ni.