May 15, 2024; Thenzawl a Grace Indane Gramin Vitrak godown rawktu nia hriatte chu police ten manin, gas bur an ruk chhuah te pawh hmuhlet vek a ni.

Lenkawl in a tarlan danin, godown a an manager chuan niminpiah khan Thenzawl PS ah FIR thehlutin, April ni 6 leh May 12, 2024 inkar khan gas godown rawk niin, gas bur ruak 25 rukbo a nih thu a tarlang.

Thenzawl police te chuan godown rawktu ni ngei a hriat mi 4, Lalmuanzuala (32), Thenzawl Vengthar, Henry Zothansanga (20), Thenzawl Venghlun, Benjamin Zosangliana (21), Khawlailung, Bunghmun Veng leh Lalramthara (41), Thenzawl Electric Veng te an man a, thubuai an siamsak nghal a ni.

Police te chuan gas bur lo leitu mi 2 te pawh manin thubuai an siamsak bawk.