Aizawl July 1, 2023 : Zirtawpni zan dar 12 vela Dihmunzawl-a thlam pakhat atanga ruang chhar C. Vanlallawma (55) thattu a rinhlelh mi pahnih chu police-ten vawiin khan an man. Naktuk Pathianni hian District Court-ah hruai an ni dawn tih thudawn a ni.

C. Vanlallawma thattu nia rin mi pahnih - Lalroliana (43) leh Lalsiampuii (40) te chu vawiin chawhnu dar 1 vel khan Seling-ah Police-in an man. Mi man te hi Police ten zanin hi an kawl ang a, Naktukah Aizawl District Court-a hruai an ni dawn niin thu dawn a ni. Aizawl District Court lam chuan an hmaah tualthattu a rinhlelh te hi an hmaa an la hruai lo tih ZALEN an hrilh bawk.

C. Vanlallawma thattu nia rin vawiina man te hi Aizawl thlenpui tawh niin, YouTube lama live-a Ghost Hunting ti thin ten nizan khan Dihmunzawl-a thlam pakhatah thi-in an hmu a. Police hriattir nghalin, Forensic lam thiam ten a ruang an endik hnuah mi kuttuar-a thi ni ngeia rin a nih avangin chhui zui a ni a, rinhlelh pahnih hi Seling-ah an man a ni.

C. Vanlallawma ruang hi Ramthar Veng, Lunglei-a a unaupa-in lain Lunglei panpui a ni a, zaninah vek vui nghal tura ruahman a ni.