Aizawl: Nimin khan Central Mizoram Gorkha Youth Association (Central MGYA) huaihawtin, Gorkha hnam zinga thu leh hla lama puipa bera ngaih, Adikavi Bhanubhakta Acharya pian champha vawi 205-na ‘Bhanu Jayanti’ chu urhsun takin Vanapa Hall-ah lawm a ni.

‘Bhanu Jayanti’ lawmna pui ber Aizawl Vanapa Hall-a neihah hian Adikavi Bhanubhakta Acharya thuziak zirhona bakah zai leh Gorkha hnam lam chi hrang hrangte entir a ni a, zirlai tithate chawimawina hun hman a ni bawk. He lawmnaah hian Zohnuai, Lunglei nula Rashmi Poudel lehkhabu ziah, vantlang nun thlirna thu lawrkhawm, ‘Ashakta Ankhaharu’ chu tlangzarh nghal a ni bawk.

He ni pual hian July ni 7, 2019 (Chawlhni) khan Zarkawt Recreation Centre, Babutlang-ah ‘Sahitya Gosthi’ hman a ni a. Adikavi Bhanubhakta Acharya chanchin zirhona bakah thu leh hla lama tui miten an thuziak phochhuahna leh zirhona buatsaih a ni.