Mizo idol chanchina, hmeichhe idol hmasa ber, kolasib nula zaithiam grace lalchhanhimi chuan a single thar ni a, a music video hmasa ber chu a ti chhuak ta e. a hla hi alternative rawngkai niin, hun chep tak kara an buaipui chuk chuk ni mah se, a beisei aia a chhuak tha chu a lawm hle a. tuna a music video bakah a dang pawh siam a la tum a. lenglawng hla lam pawh buaipui a tum. mahse, kan la nghah deuh a la ngai dawn niin a lang A hun neih chep tak karah, Mizo Idol hmeichhe hmasa ber Grace Lalchhanhimi chuan a music video hmasa ber chu a ti chhuak ve ta a. Music video a ti chhuak thei chu a lawmin a hlim hle. Mahse, a music video thar hi YouTube lamah 'upload' phal a ni lo bur! Grace Lalchhanhimi single thar hi 'Ka Thinlung Chelhtu' tih a ni a, he hla hi sap hla atanga lehlin niin, Mavuana lehlin niin, Mizo Idol judge Rinzauva leh Mavuana bakah BZ-a te hoin a hla bik hi an buaipui a ni a. recording hi Blue Wave Studio-ah tih a ni bawk. Pathian hla, alternative rawngkai niin a music video hmasa ber a ti chhuak ve thei ta chu Grace-i pawh a lawm hle a. "Ka lawm lutuk, ka hlim bawk," a ti a. A hmasa ber a nihna laiah a duh uluk tih a hriat a, hun chep tak karah a music video hi an buaipui thu sawiin, "Hmanhmawh deuha kan buaipui a; mahse, ka beisei aiin a rawn chhuak tha daih mai. Hun chep tak kara buatsaih kan nihna laia a tha thawkhat ve viau chuan ka hria," tiin a hlim hmel hle. Mizo hmeichhe Idol hmasa ber Grace-i chuan hla dang pawh music video-a siam tura thlan ruk deuh bik a nei tawh niin a sawi a, tun tuma a tihchhuah tak hi a tawpna mai a la nih loh hmel a. "Hla thar pakhat chu hual ka nei a," tiin sawi mah se, tun tut tutah chuan music video tihchhuah leh nghal mai a tum loh thu sawi lang nghalin, "July veleh a ni mai thei," a ti a. Pathian hla tho, hymn lam pawh hrut a tum a, lenglawng lam thlengin hrut a tum thu a sawi bawk a ni. Album lam pawh a sawi kai ta zel a, siam chu a tum ngei a. "Kan la ngaihtuah ang chu, hman veleh a ni ang. Album chu sum sen te a hautak si a, kum tawp lam nih loh chuan, kum thar lamah Pathianin rem a tih chuan," tiin a la 'confi' loh hmel viau mai. Hetihlai hian, Grace-i music video hi Music Domain Mizoram (MDM) kaltlangin Blanket license hnuaia in ziak lut a nih hmel a. Chuvangin, YouTube lamah chuan hmuh inbeisei loh law law a finthlak khawp ang. Zau zawka hmuh theih turin YouTube-ah upload phal a ni lo bur!