Clay court lalpa an tih mai Rafael Nadal chuan, clay chhunga roreltu a ni tih lantir lehin zanin khan Casper Ruud chu 6-3, 6-3, 6-0 a hnehin a champion. Tunah hian Roland Garros champion hnem ber niin vawi 14 champion tawhin champion thei upa ber leh naupang ber a ni a, Grand Slam bika mipa champion hnem ber niin vawi 22 a champion tawh bawk. 

Final lut turin Nadal hian player tha tak tak a paltlang nual a, chung mite chu first round-ah Jordan Thompson (AUS) hnehin second round-ah Corentin Moutet (FRA) a hneh leh. Third leh fourth round-ah Botic Van De Zandschulp (NED) leh Felix Auger-Aliassime (CAN) te a paltlang hnuah a elpui ber pakhat Novak Djokovic (SRB) chu 6-2, 4-6, 6-2, 7-6 in quarterfinal-ah a hneh leh a, semifinal-ah Alexander Zverez paltlang lehin Grand Slam vawi khat luhna Casper Ruud chu Court Philippe-Chatrier-ah hnehin mipa zinga Grand Slam champion tam ber record a siam. 

Kum 19 mi lek a nihin 2005 khan Paris-ah hian a champion tan a, heng kum 2005, 2006, 2007, 2008, 2010, 2011, 2012, 2013, 2014, 2017, 2018, 2019, 2020, 2022-ah te hian Roland Garros a champion a, a ni anga player ropui leh Roland Garros-a champion tam thei hi Tennis chanchinah an la piang lo. Tun tum final-a a hmachhawn Ruud hi a academy atanga zirchhuak ngat a ni nghe nghe. 

French Open a champion hian Nadal hian trophy bakah pawisa fai cheng 18,30,28,961 a dawng a, pahnihna Casper Ruud hian cheng 9,15,14,480 zet a dawng ve bawk. Tennis khawvela hnuhma nei tha dang a elpui pahnih Djokovic leh Roger Federer te chuan Grand Slam 20 ve ve an chawi tawh a, a ni aiin pahnihin an tlem zawk a ni.

1990 hnua title lian a champion tam te dinhmun:

Player                   G. Slams  ATP    1000s   
Novak Djokovic     20/66       5/14    38/122  
Rafael Nadal          22/64       0/10    36/126   
Roger Federer       20/80       6/17     28/138   
Pete Sampras       14/52        5/11      1/83    
Andre Agassi         8/61         1/13     17/90   
Andy Murray         3/53         1/8       14/106    
Boris Becker*         2/26         2/6       5/51    
Thomas Muster     1/29          0/4       8/53   
Stefan Edberg**      3/28        0/4       4/45  
Gustavo Kuerten    3/33         1/3       5/67   
Jim Courier             4/38         0/4       5/71    
Marcelo Rios          0/26          0/1         5/56    
Marat Safin              2/41         0/3         5/87    
Michael Chang       0/50          0/6         7/86    
Andy Roddick         1/46          0/6         5/75