Aizawl: Champhai Grape Grower Society-te chuan Tlangsam Winery-a dah turin Grape rah quintal 1030.07 an lei tawh.

Champhai Grape Grower Society-te hian Champhai leh a chhehvela Grape chingtu chhungkaw 88 te hnen atangin Grape hi kg 1 Rs. 50 zelin an leisak a, kum dangah chuan society member ta hi man to zawkin an leisak thin a, kuminah erawh chuan aman inang vek in grape rah te hi an leisak a ni.

Kumina an grape lei hi nikum aiin quintal 300 chuangin a tam a, Tlangsam Winery-ah hian quintal 2000 vel a leng a, nikum lama an neihsa nen kumin hian an duh tawk an la ngah thei niin Society hruaitute chuan an sawi.