Aizawl June 9, 2023 : Green Mizoram Day chu Kumin-ah Pathianni-ah a tlak tak avangin vawiin kha he ni hi Mizoram hmun hrang hrang hman a ni. Midangte rualin, Governor Dr. Hari Babu Kambhampati leh Lady Governor Dr. Jayashree Kambhampati te chuan Green Mizoram Day program hmang veiin Circular Lawn sir, Raj Bhavan-ah Theihai tiak an phun. Khua leh tui te kum tin thing pakhat tal phun turin a ngen.

Green Mizoram Day puala thingphuntute chungah Governor Dr Hari Babu Kambhampati chuan lawmthu a sawi a. Midang ten Mizoram min hmuh dan chu thing leh mau awm tamna, hmun hring leh ecosystem tha tak awmna a nih thu a sawi.

Governor chuan, "Khawvel pum huapin kan chhehvel boruak chhe mek zel hi vei a hlawh tawh a. Thing leh mau chereu nasa lutuk avanga Khawvel sik leh sa danglam chho mek leh boruak lum chho ta zelah a siamthat hna nasa taka thawh a ngai a ni. Mizoramah pawh kan chenna khawvel tuamtu boruak siam that hna hi thingphun a ni emaw, vawikhat hman sarang hman loh chungchangah leh green initiative dangah te kan theihna zawnga zawm a, tha lo thawh ve zel hi kan mawhphurhna a ni," a ti.

Green Mizoram Day pual hian Governor Dr Hari Babu Kambhampati chuan Khua leh tui zawng zawng te chu kumtin, kum khatah thing tial pakhat tal emaw a aia tam, phun ziah turin a ngen bawk.