Mihring zingah mi danglam leh chungchuang bik history siam an awm thin a, chung mite chu Guinness Book of World Record-ah an hming chhinchhiah an ni thin. Chutiang karah chuan chhuanawm leh ropui lem lo pawh an awm nual mai. 

An thil thiam leh neih te hi ropui lem lo mah se Guinness World Record bu-ah tarlan an ni ve tho thung a, chung thil 5 te chu:

1. Khawvel lei sei ber
Monterey, California mi Nick Stoeberl aka "The Lick" chuan Guinness Book Of World Records-ah lei sei ber nihna hauhin a lei sei zawng hi 10.10 cm zet a ni. 

2. Vun pawt fan thui thei ber Garry Turner 
Natna mak tak mai pakhat Ehlers-Danlos Syndrome an tih mai chu Garry Turner, Britain mi chuan a vei a, a vun chu thui tak tak a pawt fan thei a ni. A dul vun a pawhfan thui theih zawng hi inches 6.25 zet a ni. A vun thui tak tak a pawh fan pawh hian na eng mah a hre ngai lo. 

3. Khawvel kut tin sei ber Lee Redmond  
Lee Redmond hi American niin a kuttin sei tak tak hi khawvela tin sei ber ni turin kum 30 chhung zet a zuah. 1979 atang khan a kut tin hi a zuah tan a, a kut tin zawng zawng zawm khawm hian feet 28 leh inches 4 zet a sei a ni. 

4. Khawvel-a hmuihmul sei ber Ram Singh 
Ram Singh Chauhan hi Jaipur, India lam mi niin a hmuihmul sei zawng hi feet 14 a ni. A hmuihmul sei zawng hi Rome, Italy-a TV show pakhat "Lo Show dei Record" a an teh a ni a, kum 37 chhung zet a zuah a ni. 

5. Khawvel chhungkaw hmul ngah ber Ramos Gomez te chhungkua
Victor "Larry" Gomez, Gabriel "Danny" Ramos Gomez, Luisa Lilia De Lira Aceves leh Jesus Manuel Fajardo Aceves te hi chhungkua an ni a, Mexico lam a ni. An natna hi congenital generalized hypertrichosis tih a ni a, an hmai zawng zawng a hmul khat vek a ni. Khawvel chhung kaw mul ngah ber Guinness World Records title kawltu an ni.