June 8, 2023; Vawiin a neih MNF Hachhek Block Joint Conference Zawlnuam-ah MNF president Zoramthanga chuan kumin MLA inthlanpui a Hachhek bial MNF candidate turin a puang a, chu chu an party nomination committee thuchhuak a nih thu a sawi.

Mizoram sawrkar, MNF kaihhruai a Minister of State dinhmun luah mek Robert Romawia hi kum 2018 inthlan ah khan Aizawl East II (Armed veng, Dawrpui, Chhinga Veng, Saron, Chite etc.) bial atangin MNF ticket a thlan tlin a ni a, hetianga a bial a sawn nachhan tur hi chiang taka hriat theih a ni lo a, a bial Aizawl East II ah pawh hian ding zui mahse a dinhmun a la chhe hran lo ni a sawi te pawh a ni.

Hetiang Robert Romawian a bial a thlak dawn tak avang hian Aizawl East II ah tunge MNF ticket in ding zui ang tih sawi a la harsa a, Tawi bialtu MLA, Aizawl North I a din tum nia sawi, R. Lalzirliana chuan Aizawl East II ah hian din a rilruk nia sawi a ni a, Aizawl North I pawh a tlansan ti tih tawh nia sawi a ni. 

Hetihlai hian AMC lam a Executive Councillor Pi Maawmi pawh MNF mipui lam atangin Aizawl East II ah hian ding se tih thawm a ring viau ni a sawi a ni bawk.