Aizawl: Chief Secretary kaihhruai ramri ngaihtuahtu core committee in Zophaia Mosolman biakin sak sawiselna awmchungchangah Kolasib DC in Hailakandi DC lo sawipui se tia thutlukna an siam chubawhzui a niin Hailakandi DC thu ngaihchan mek a ni.

Zalen palai zawhna chhangin Kolasib DC Zoengsanga chuan inbiakna nei turin Hailakandi DC chu lehkha an thawn tawh tih sawiin an thu leh hla an ngaichang mek tih a sawi.

Hetih lai hian Zophai hmuna Mosolman biakin (mosque) sak mek chu an Id vangin tunlai hian sak chhunzawm a ni lo niin an sawi a. Tuna mosque an sakna hi kan hnung deuha mi thenkhat ten bomb hmang an biakin an tihchhiatna hmun hlui kha a ni.