Aizawl December 30, 2022: Vawiin khan Mizorama a vawikhatna atan rilru leh a kaihhnawih harsatna nei ten an harsatna leh manganna thlenna tur leh a tul anga hma laksak tur atana din State TeleMANAS Cell, Mizoram chu Dr. T Lalhmangaihi, Principal Director, H&FW chuan State TeleMANAS Cell, DHME building-ah a hawng.

Tele MANAS Cell Hawngtu Dr.T.Lalhmangaihi, Principal Director chuan rilru lama harsatna hi a te ber atanga a lian ber thlenga kan tawrh theih vek thu te, naupang lamah pawh harsatna a awm thin thu leh hmalak a pawimawhzia sawiin, mipuiten engtik lai pawha 14416/18008914416 hmanga tanpuina an dawn theih na tura hmalakna hi lawmawm a tih thu a sawi.

Tele-MANAS Cell hawnna inkhawm hi Dr. Eric Zomawia, Mission Director, National Health Mission cum Nodal Officer, TeleMANAS in a kaihruai a. Dr.Eric Zomawia chuan kalkhawm leh thawktute hnenah tunlai khawvela rilru hriselna kawnga hmalak a pawimawhzia leh rilru hriselna leh a kaihhnawihte sawrkar laipuiin a ngaihpawimawh leh zual tak thu a sawi. Thawktu lak tharte chu a huna thleng a, hotute zahthiam tur leh anmahni mamawhtute hnena an theihna zawng zawng hlan turin a chah bawk.