Aizawl : Haulawng khawtlang chuan tuna an khawtlangin fai kawnga hma an lak mek chu chhunzawmin nasa zawka hmalak zel an tum.
Nimin khan Haulawng VC House ah faina kawnga an hmalakna chungchang hi anmahni kawmtu Press mite an hrilh a. VC te kaihhruaina hnuai ah NGO hrang hrang telna Clean and beautification committee dinin fai leh khawtlang cheimawina kawngah theih tawpin hma an la tih an sawi. An hmachhawp atan veng chhung NGO leh chhungtin nasa lehzuala tan la turin an ngen bawk.
Haulawng VCP KH Tialthanga chuan an bawlhhlawh te paihna atan Oil India Ltd in motor an pe tih sawiin hemi hmang hian kar khatah tum hnih Thawhlehni leh Zirtawpni ah te bawlhhlawh an paih thin niin a sawi bawk.