United States-a Hawaii state ram kanga thi chu mi 67 an tling ta a, an state chanchina khuarel chhiatna thleng rapthlak ber a tling tawh.

Chin hriat loh 100 chuang la awm bawkin thi zat hi an pun ngei rin a la ni cheu.

Zirtawpni khan Lahaina-a chengte chu an khuaa reilo te an let lehna hun hawn a ni a, he khua hi kangmei hian a tichhe hneh hle.

An khuaa an kir leh hi ‘an la hmuh ngai loh chhiatna rapthlak’-in a lo hmuak a ni.

State thuneitute hian Lahaina-a chengte hi a mi cheng ngei an ni tih finfiahna nei tan kar tir lama kangmeiin a tihbuai hnua a vawi khat nan haw an phalsak a, khaw upa tak hi a tam zawk a kang chhia.

Mi tam tak, an hak lai nena tlanchhia tam tak chuan an khuaa cheng an ni tih finfiahna neih chu a harsa hle tih an sawi.

Curfew pwh ni tin zan dar 10:00 leh zing dar 6:00 inkarah puan zel niin kangmeiin a kan nasat zual lai hmunte chu mi zawn leh chhanchhuah hna thawh phal pawh a la ni lo.

Lahaina awmna, West Maui hian power leh tui an la nei lo va. Mi zawngtute chuan kang hlumte an la zawng zel.

Tui pawh an zawng zel bawk a. Coast Guard chuan khaw bul hnaia tui bulah damin mi 17 an chhanchhuak tih an sawi a, an dinhmun pawh a tha tih an sawi.

Lahaina-a kawngpui hman theih awm chhun ni rih mek, Honoapiilani Highway-ah chuan lirthei kang bangte chu kawngpuiah kang chhe vekin a ding hlawm bawk.

Governor Josh Green chuan Hawaiian-ten Lahaina khuaa an thil hmuh chu a hrehawm tak zet tih a sawi.

“Lahaina hi chhiatna thlenna a ni a. An la hmuh ngei reng reng loh chhiatna thlenna hnuhma an hmu dawn a ni,” tiin Ningania a tlawh tumin a sawi a. “Himin awm ula, fimkhur rawh u,” a ti bawk.

Maui thliarkara ram kangin a tihchhiatte siam tha tur hian kum tam tak a ngai dawn tih a sawi a. Tuipui kam khua, chanchin upa tak nei, kum tin khualzin maktaduai hnih velin an tlawh ziah, Lahaina ringawtah pawh hian in 1,000 chuang a chhia.

Zirtawpni khan Maui County thuneitute chuan Lahaina-ah hian mi 12 thi an awm awm belh tih an sawi.

Heng mite nen hian Hawaii-a khuarel chhiatna thlenga thi an tam ber tum ni tain tsunami-in kum 1960-a a nuaia mi 61 thi a khum.

Intundin lehna tur a hautak dawn

1. Hawaii thliarkarin ram kang chhiatna an tawhah hian tung ding leh turin dollar tluklehdingawn tel a ngai dawn a, tunah hian mi sang tel chenna nei lovin an awm.

2. Maui-ah an tawmna tur hmun ruk siam mek niin hetah hian tam tak an khawsa mek a. Thuneitute chuan heng mitehi khualbukah emaw, khualzinte hman thin man chawia khawsaknaa dah tumin hma an la mek.

3. Maui tan hian tanpuina leh thawhlawm thawh pawh a tam a, pawl hrang hrangin a theih ang angin sum leh pai leh hmanrua leh bungrua ang zawngin puihna an pe tan.

4. Hawaii thliarkar hi khawvel mi hausa tak takte pawh an khawsakna hmun a ni a, an zingah hian Amazon dintu, Jeff Bezos pawh a tel a. A kawppui, Lauren Sanchez nen kangmei tuarte tan $ maktaduai 100 puihna an pek tur thu an puang tawh nghe nghe.

5. Maui thliarkar leh Big Island-a ram kang hi Thawhlehni zan atanga intan kha a ni a, tun thlengin a kan chhan hi hriat a la ni lo va, hurricane thlipui chak tak leh boruak ro takin a timankai chak zual hle tih erawh hriat theih a ni thung.