Aizawl; Mizoram State Health Care Scheme (MSHCS) hnuaia damlo bill chu December, 2021 thlenga thehlut chinte pek zawh an a ni lo a, June 30, 2023 thleng khan damlo bill ba Rs. 78,95,93,236 a la awm.

ZALEN RTI zawhna MSHCS SPIO-in a chhan danin bill bate hi December 10, 2021 hnu lama Mizoram State Health Care Society a bill dawnte an ni a. MSHCS hnuaia damlo inenkawlna bill ba tlinkhawm chhan chu pekchhuah ngai zat daih tur sum dawn loh vang a ni.

Kum liam ta 2022-23 khan MSHCS hnuaiah chhungkua 39,505 inziak lut an awm a. Kum dang aia inziak lut tlem chhan hi zirchianna neih a ni hran lo va, a chhan tak hriat a ni lo.

MSHCS tihchngtlun nan Mizoram sawrkarin Asian Development Bank (ADB) loan puk tur a buaipui mek a, hemi atan hian tihchangtlun dan tur duan mek a ni a, chak taka hmalakna kal mek a ni.

ADB loan chungchangah hian Mizoram sawrkar leh ADB inbiakna a kal mek a, a hma thei ang bera tihfel tum a ni.
    
Tar lan tawh thin angin Mizoram sawrkar chuan MSHCS atan ADB atangin Rs. Vbc. 1,000 puk a tum a, tih fel theih a nih chuan bill tang tam lutuk a ziaawm theih beisei a ni.

Damlo bill la pek lohte
Kum           Bill          Pawisa
2021-22     10,473     27,90,69,479
2022-23     15,184     47,76,91,049
2023-24     983          3,28,32,708
TOTAL        26,640     78,95,93,236