Aizawl: Nimin khan Ex-MNA Association hruaitute chuan helicopter -in Aizawl an fang a, hnam sipaite thlawk chhuak tur hi GAD hnuaia Civil Aviation Wing Principal Consultant J. Lalhmingliana'n Mualpui helipad atangin a vai liam.

Hun tawi te an hmanah Ex-MNA President Rochungnunga chuan, hetiang hun remchang buatsaihsaktu J. Lalhmingliana chungah lawmthu sawiin, duhsakna dawng tlaka Ex-MNA te awm zel turin a fuih a, tawngtaina hun a hman hnuah Principal Consultant hian Ex-MNA flag vaiin helicopter-a chuang te a thlah liam a ni.

Ex-MNA Aizawl fan thawhkhatnaah hian member 20 vel chu tum thum helicopter-in an thlawk chhuak a, member dangte tan hun remchang la siam zel an tum bawk a ni. Ex-MNA hruaitute hian dan ang thlapin, chuan man pawh pe thlapa heti-ang hun hi buatsaih a ni.