Hepatitis C Self Test zirchianna sawiho
![](https://zalen.s3.ap-south-1.amazonaws.com/images/news/1720871193_Hepatitis.jpeg)
Aizawl July 14, 2024 : Zirtawpni khan Aijal Club-ah Hepatitis C mahnia in-test dan chungchang zirchianna neih leh zirchianna hmuh chhuahte chu sawiho a ni a. He hun hi Sangchhin Chinzah, IAS, Secretary, Health & Family Welfare chuan a hmanpui.
He zirchianna hi thin tha lo thlentu hrik inkai awl tak, Hepatitis C kai tawhte awlsam taka mahnia an inhriat theihna tura hmanrua (self test kit) hman dan chungchang a ni a. UNITAID hmalakna niin India-ah Uttar Pradesh leh Mizoramah PATH chuan zirchianna hi an kalpui a ni.
Mizoram bikah hian district pathum – Aizawl, Lunglei leh Champhaiah zirchianna neih a ni a. Mipui nawlpui zinga derthawng zual, thisen dawng fo te, damlo enkawl kawnga thawk te, dialysis hmanga enkawl mek te zingah leh ruihhlo inchiu thinte zingah self test kit hi enchhin a ni a. Thisen hmang (blood based) leh chil hmang (oral based) test kits te enchhin a ni.
Mizorama zirchianna hi PATH chuan an partner SAATHI leh SHALOM Society te thawhpuiin an kalpui a. Test-a reactive apiangte chu confirmation tih bakah Viral Load leh thisen test ngai dangte an tihsak vek a. Chumi hnuah sorkar program National Viral Hepatitis Control Program (NVHCP) ah enkawlna pe turin an thlunzawm leh bawk a ni.
He program-ah hian Dr. Eric Zomawia, Mission Director, NHM Mizoram chu khual zahawm a ni a. Tin Dr. Doris Sailo, State Nodal Officer, NVHCP chuan Mizoram dinhmun a tar lang bawk.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024