ZALEN August 22, 2023 : 2008-a Lumpsum Aided-a dah Higher Secondary School 9 (pakua), Mizoram Govt. Lumpsum Aided Higher Secondary School Association (MIGLAHSSA) te chuan 2018 MLA inthlan dawna an school, Adhoc Grant-in-Aid a hlankai an tiam vawiin thleng hlankai a la ni lo chu an hrethiam lo a, school khar an tum.

MIGLAHSSA chuan, "Kum 2018 MLA inthlan dawna tuna kan Chief Minister zahawm tak leh Cabinet Minister thenkhat ten kum rei tak khawtlangin an lo hahpui tawh kan school-te Adhoc Grant-in-Aid-a hlang kai tura min lo tiam tawh, vawiin thlenga tihhlawhtlina la awm lo hi lungchhiatthlak kan ti," an ti. 

Adhoc Grant-in-Aid-a a hlankai ngiattu school te hian hlan ngei beiseiin August Ni 28 (Thawhtanni) ah lehkha zir lovin sawrkar thu ngaichanga school kal an tum a. Sawrkhar atanga thu lawmawm an hmu lo a nih chuan school kharin sawrkhar thu ngaihchan chhunzawm an tum a ni.

MIGLAHSSA hnuaiah hian Higher Secondary School pakua (9): Thingsulthliah HSS, Farkawn HSS, Zobawk HSS, Zawlnuam HSS, West Phaileng HSS, E.Lungdar HSS, NE Khawdungsei HSS, Phullen HSS leh Tuisualral HSS te an awm a ni.