Aizawl: Parliament in HIV darh zel venna tura dan a siam tawh HIV & AIDS (Prevention & Control) Act 2017 hman a nih thei nana hma latu tur Committee din a ni, hemi chungchanga inrawnkhawmna hi Zirtawpni khan Health Secretary H.Lalengmawia kaihhruainain Aijal Club-ah neih a ni.
State Consultation Meeting on HIV Act 2017 ah hian thu sawiin Health Secretary H.Lalengmawia chuan, "Parliament in a lo pass tawh HIV Act 2017 Mizorama hmang thei tur chuan he dan zau tak huangchhunga kan state mil tur inkaihhruaina duan hmasak a tul a, chu rules duangtu tur din tur chuan inrawnkhawmna neih a tul a ni," a ti.
HIV Act chungchang inrawnkhawmnaah hian Dr. Rajesh Rana, Consultant, NACO chuan Parliament-in India rama HIV darh zel tur venna kawnga hma a lak dan leh HIV Act 2017 chungchang chipchiar takin a sawifiah bawk a ni.