January 17, 2024; 'Thihna luiral ka lo kai ta' tih hla phuahtu PC Zoramliana (76) H/o HC. Lalrindiki chu vawiin (17.1.24) chhun khan a boral.

ZALEN thudawn danin, PC. Zoramliana hi hun engemawchen chhung taksa chak lohna hrang hrang vangin in lamah enkawl a lo ni tawh a, vawiin chhun dar 11:57 khan an chenna Selesih Venghlun ah 'Awmlai' in a boral a ni. A ruang hi zanin ah lumen a ni ang a, naktuk ah vui a ni ang. Presbyterian Kohhran an ni.

A hla phuah tun thleng a sak hlawh leh hliar lar chu 'Thihna luiral ka lo kai ta' tih niin, he hla ropui tak hi mi tam takte inhmuhchhuahna hla leh inhlan tharna hla, Pathian hman em em hla a ni.

Chhandamtun min hmangaihna chu

Phuahtu: PC. Zoramliana

Chhandamtun min hmangaihna chu,

Ni tin zan tin ka lo hre ta;

A thihnaa ka thih vangin,

Thawhlehnaah tih nun ka lo ni ta.

Thihna lui ral ka lo kai ta,

Khawvel miten an hrethiam lo;

He lei in hi ral mahsela,

Ka nunna chu Isua a ni.

Lei taksa ropuina a dang,

Van taksa ropuina a dang;

Lei taksa zawng boral mai tur,

Van taksa chu a ropui zual zel ang.

Ka thla a kal Lalpa hnenah,

Van sang mu angin a leng vel;

Tunah ka chawl ta Kristaah,

Ka chhuahsan dawn he lei hrehawm ram hi.

Lei taksa boral turah hian,

Isua hmel duhawm lang zel se;

Mite hnenah nunna pe in,

Ka hun zawng hi ka hmang ral tawh ang a.