India hmacrchhak state te inelna atana buatsaih Dr. T. Ao Memorial Football tournament nimina A.R. Lammuala khelh zawh takah Mizoram chuan penalty shoot-out ah Meghalaya chu 1-1(3-1) hnehin an champion. Nimin inkhela hi group stage lama an inkhelh tawhna ngaihtuah chuan Mizoramah hi chak ngei tura ngaih a nih laiin khawtual player te hian beisei an pha lo hle. Mizoram hian first half an thunun zawk laiin si phur zawk Meghalaya lam hian thawhhnihna an awp hneh hle a tih ngam a, Biaktea goal thun chu Meghalaya lam hian penalty hmangin second half ah hian an sut a, goal dang a awm loh avangin extra-time khelh a ni a, hetah pawh hian goal thun zawk an awm leh tak loh avangin penalty shoot-out hmangain chak zawk zawn a ni a, hetah hian Mizoram chuan goal thum thunin Meghalaya lam hian goal khat bak an chhuihlut lo a, thlengtu Mizoram chu a tum hnih nan he tournament-ah hian an champion ta a ni. He tournament-ah hian player tha ber, Player of the Tournament atan Zothangpuia chu thlan a ni a, Goal khung hnem ber chu Meghalaya player goal 5 thuntu Samson Nongrum chu Top Scorrer niin Manipur goalkeeper thlan a ni.