ZALEN, Aug. 22, 2026: India hmarchhaka a hmasa ber atan Inrinni khan HILUX Model thar tlangzarh a ni.

Lirthei thar hi Zote Toyota Showroom, Chanmari West, Aizawlah Zorammawia Tochhawng (DP) leh Chief Guest Jaui te’n an khuh hawng a, a lei nghaltu mi pathumte hnenah dealer principal Zorammawia Tochhawng-in chabi a hlan nghal.

HILUX model thar hi chi thum - 4x2 GX, 4x4 GX leh 4x4 VX a awm a, rawng chi ruk duhthlan tur a awm a ni.

A lei duh tan hauh (booking) hawn nghal a ni a, lirthei man hi Rs. nuai 31.99 (X showroom) atangin a intan a, a to ber hi Rs. nuai 36.7 (X showroom) man a ni thung.

A hmunah Toyota Finance Service (TFS) an neih avangin down payment leh EMI hniam zawkin an tihsak thei a, lirthei thleng (exchange) duh tan pawh an buaipuisak thei bawk a ni.