Aizawl: Thirsakawr (Bicycle) khalh a India ram fan chhuah tum mek Nula Aasha Malviya chuan Zirtawp tlai khan Governor Dr. Hari Babu Kambhampati chu a chenna Raj Bhavan- ah a hmu a. Aasha Malviya chuan cycle hmanga India ram fanchhuah a tum chhan ber chu 'hmeichhiate himna leh dinhmun chawisan' a nih theih nan a mipuite hnena zirtina thlen a nih thu Governor hi a hrilh. 

Larsap chuan India rama hmeichhiate dinhmun ngaihsak a, an dunhmun chawisan a nih theih nan a Aasha Malviya-in engkim mahni intum chawp a hma a lakna chu fakawm a tih thu a lo hrilh.    

Aasha Malviya hi Nataram, Rajghar District, Madhya Prasesh khua leh tui niin November 1, 2022 khan a chenna khua chhuahsanin India State zawng zawng fanchhuahna hi bul a tan a ni. State 18 a tlawh tawh hnuin Zirtawpni tlai 3:30 khan Aizawl a lo thleng a ni. Tun dinhmunah hian 16200 km tlan tling tawhin August ni 15, 2023 hian Delhi ah India a fanchhuahna kawng zawh hi a titawp dawn a ni.