August 17, 2023; Social media a hmeichhe naupang kut inthlak lai video viral chungchang chu Special Juvenile Police Unit ten chhuizuiin thubuai an ziak lut tawh a, JJB leh CWC lam pawh an inrawlh ang.

ZALEN thudawn danin, Mizoram hmun pakhat a naupang kumtlinglo kut inthlakna thleng chungchang hi Special Juvenile Police Unit lam ten chhui zuiin, pawikhawihtute chu an statement te lain, an social background te an chhui tel bawk a, chung an report te chu Juvenile Justice Board (JJB) ah an thehlut ang a, JJB lamin hma an la zui ve leh ang.

Hetihlai hian kuttuartu naupang chungchang chu Child Welfare Committee (CWC) lamin a ngaihtuah dawn nia thudawn a ni bawk.

Tarlan tawh angin, meichhe naupang kut inthlak video viral chungchang hian nasa takin sawi a hlawh a, hmeichhe thil a nih avangin mak tih pawh a hlawh hle a ni.