August 23, 2023; Bungtlang khua a hmeichhia kum 63 mi pawngsualtu a puh Rozuala (53), Serchhip P&E veng chu nimin khan Jail ah dahluh a ni.

Serchhip atanga thudawnna Lalro Digitalin a tarlan danin, August ni 22, Thawhlehni tlai dar 3 vel khan K. Rozuala hian Serchhip khaw thenawm Bungtlang khua ah hmeichhia kum 63 mi chu an chenna in ah a pasal bumchhuak a a tirhchhuah hlanin a pawngsual a, hmeichhia hi mi pangngai phaklo niin, mahni inveng thei dinhmun a ding lo a ni.

A pasal hian midang pun a Rozuala hnawhchhuah tum a an In an thlen in a pawikhawih lai an hmu a, YMA lam te pun nghal an ni a, YMA ten Rozuala hi la hrangin Serchhip police an hriattir nghal a, police ten manin, pawngsual thubuai siamsak a ni a, nimin khan jail ah dahluh a ni.

Pawikhawihtu Rozuala hi tunhma lam pawh a pawngsual thubuai lo nei tawh nia hriat a ni.