Aizawl January 17, 2023: Excise & Narcotics Department & 42 Assam Rifles te thawk dun chuan January 16, 2023 (Thawhtanni) tlai dar 3:00 khan Mualkawi (Zokhawthar Road), Champhai District-ah Heroin gram 264 & mgs 400 (Hawng 21) leh a neitu nia puh mi pahnih – Lalthuampuii (39) d/o Zoliana / (w/o Lalremliana) leh Lalbiakthangi (40) d/o Lianchhuma / (w/o lalengkima), Mual Veng Ruantlang-a khawsa ve ve nia inchhalte chu an man.

Excise & Narcotics Department leh Central Anti Drugs Squad (CADS) thawkdun chhuan 16th January 2023 khan Heroin gram 72 leh a neitu nia puh mi 5 an man bawk.

Heroin vanga man te hi the Narcotics Drugs & Psychotropic Substances Act, 1985 (NDPS Act) tlawhchhanin thuhbuai siamsak an ni a, vawiin January 17, 2023-ah Court-ah hruai nghal an ni.

Excise & Narcotics Department hian kumin 2023 January ni 16 thleng hetiang hian MLP Act 2019 tlawhchhanin dan phal loh thil an man tawh bawk:

Sl No                                         Particulars Amount
1 Rakzu                                      3348 litres
2 Zu bilh lai (fermented rice)     2984 tins
3 Dawidim                                 43 Kgs
4 IMFL (750 ml)                         1,172 bottles
5 IMFL (375 ml)                         11 bottles
6 IMFL (180 ml)                         146
7 Beer (500 ml)                          518 cans
8 BEDC                                      81.600 litres

Tunlaiin Mizoram hmun hrang hranga dan phal lohva zu siam hi mihring hriselna atan a hlauhawm avangin hetiang zu hi in lo turin Excise & Narcotics Department chuan mipuite a ngen nawn leh a ni.