Aizawl January 26, 2024 : Excise & Narcotics Department chuan January 25, 2024 (Ningani) tlai dar 3:15 khan Zanlawn, Kolasib District-ah Heroin Kg 1 & gram 53 (Hawng 96) leh a neitu nia puh mi pahnih – Kapthanruma (42) s/o Hlawntaia (L), Khawmawi, Myanmar leh Lalruatkima (51) s/o Biakmawia (L), Bualpui, Kolasib District-a khawsa nia inchhalte chu an man. An ni hnen atang hian heroin phurhna atana an hman Maruti Eeco Van Regn No MZ06-A/0057 an hrensak bawk.

Excise & Narcotics Department hian January 26, 2024 (Zirtawpni) zing dar 1:30 khan, Bairabi road, Rengtekawn, Kolasib District-ah Heroin gram 261.370 (Hawng 13) an man leh bawk. Heroin man zawng zawng hi Kg 1 & gram 314 (Hawng 109) a ni.

Heroin man te hi state pawna tihral tum mek lai a ni. Heroin vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, Court-ah hruai nghal a ni.