July 6, 2023; Nimin (05.07.2023) khan Ngopa PS (Saitual District) team leh 2nd Assam Rifles P.O.B Kawlbem te chuan  Kawlbem Zero Point ah heroin an man a. Dungtlang Police Checkgate ah heroin gram 50 chuang man a ni bawk. 

Ngopa PS (Saitual District) team leh 2nd Assam Rifles P.O.B Kawlbem te chuan Kawlbem Zero Point (Vaikhawtlang Junction)-ah joint operation neiin, heroin gram 19, sahbawn bawm pakhat(1) leh 2 (two) plastic bottle pahnih(2)-a dah chu Lalnunzira (28) s/o Rohnuna leh Lalhlimpuia (25) s/o Rorelsanga, Chhim Veng, Ngopa, Saitual District ve ve nia inchhalte kut atangin an man. Ngopa PS-ah thubuai, 21(b)/25 ND&PS Act hnuaiah ziahluh niin chhuizui mek a ni.

Nimin vek khan Mizoram Police, Dungtlang Police Checkgate (Champhai District) duty te chuan heroin, gram 57.05, sahbawn bawm 5 a thuhruk chu Kabir Hussain s/o Sukur Ali, Hailakandi, Assam nia inchhal kut atangin an man. Dungtlang PS-ah thubuai, 21(b)/25 ND&PS Act hnuaiah ziahluh niin chhuizui mek a ni.